Kis-wasoqitesteket: Barry Bernard, Eskisoqnik.
This page is also available in English
Mu awtinuk ta’n te’sik kis’atasik wjit band alsut wenji’ko’m.
Ula Mi’kmaw Wenji’ko’m Elukwasik Lukwaqney wjit Menaqaj Tel-kisua’tumkl Mi’kmaq Wikual (MHEEP) tewa’tasik wjit kisa’tn wla’sin ta’n wlo’ti etek aqq kisa’toq ta’n ejikla’tasik.
Efficiency Nova Scotia (ENS) toqa’tipni’k wjit province wjit Nova Scotia, ta’n wen’ji’ko’ml aqq wutan alsutkl wjit kisa’tn tla’sin energy efficiency koqowey kisa’tasik, wjit band alsutikl wenjio’ko’ml.
Mawikwayk, ne’kaw apoqntitesnu wutann naji-menaqaj tlo’tmnew Wksitqamuey ewe’wasik waqmoqsmamk ta’n kis-siaw-we’wasik nike’ aqq elmi’knik.
Kinu elukwatu’k wjit lulan wen wutann-ta’n ajite’tmt lukwatn, ta’n tujiw kista’toq. Ula na ta’n elukwatu’tij ta’n kisa’tu’tij lukwaqn-kisna wejiaq- ula wutann, menuweketij ta’n ikana’tu’tij eltu’tijtl wenji’kuo’ml. Te’s contractor koqowey kisa’toq na ankaptasik te’s koqowey elukwasik kaqisa’tasik.
Msit newtukuwikit, band-alsutk wenji’ko’m (aqq ma’wt duplex) kisi mesintal. We’nji’ko’ml ta’n ikana’tu’titl elkitk ENS ta’n kisi suwa’toqip ula pemia’q newtipunkek.
Mu eteknuk wi’katikn, ta’n majuinu’k mekenujik ta’n wejiaq wenji’ko’ml nujiketoql. Ta’n tujiw ketu’ suwa’tu’n wjit lukwasin, tlowistuwatis ta’n nujo’tkl wenji’ko’ml.
Msit wen kisi pipanikesitew wjit ankaptasin energy wejiaq ENS elukwet kisna elukowajik. Ula ankaptasik wjit wen nuta’n piley wjit kisa’tn menaqaj ewe’wmumk wasoqnmamkewey, ta’n kisa’tew te’s newte’ wenji’kuo’m wutan.
Te’s piluwey wiaqtek kutey:
- Ta’n ma neweynuk
- Insulation
- Mu miltaqne’wasinuk apje’jk putuek eptek kisna tekik
Mi’kmawey Menaqaj Ewe’wmumk Wasoqnmamkewey Wenji’kuo’ml (MMEWW/MHEEP) Ta’n tela’sik aknutmaqn
“Ni’n telte’tm kelu’k tela’taqatijik, ta’n kitk elukowijik ni’n aqq niknaq. Pipanikesultijik aqq ankaptu’tij ta’n ni’n nestm lukwaqn wjit ni’n piley putuek eptek kisna tekik weskunm. Msit kisa’tu’titl, Ni’n wel’tasik ula menaqaj kisa’tu’tij ula telukutijik ta’n naqtik wen’ji’juo’m weli waqme’k aqq waqmtek.”
Joe Hart, Wagmatcook
Wutan-ajite’tk Ta’n Elukwatk Lukwaqn
Wl’tesku Al Gould.
Al wikit Eskissoqnik aqq alsutk Al Gould’s Electrical. Ta’n elukowjik elukwatu’tij ta’n nasa’tu’tij heat punp aqq HRV system aqq telukwet weja’tikemk MHEEP poqjia’qk. “ Suwel msit ta’n weskunkik kito’qitek Unama’ki , katu wejiey weja’tikemk Sipne’katik, “ Al teluwet. “kisa’lik welukwey, katu wela’si nike’ wenji’ko’ml wla’sin pemiaq ula teli piluwa’sik koqowey piley.”
Ta’n wejiaq suliewey wjit (MHEEP) Lukwaqney wjit Menaqaj Tel-kisua’tumkl Mi’kmaq Wikual
Ula lukwaqney weja’tu’tij suliewey:
• No’pa Sko’siaewey Mtmo’taqney wjit Koqoey wejiaq maqamikew-iktuk aqq il-we’wasik koqoey.
• Tel-nuta’q suliewey wjit tel-lukutimk nujo’tmi’tij No’pa Sko’siaewey Lukwaqney aqq Nuji-iloqaptaqatijik, apankitmi’tij wenik ewe’wmi’tij No’pa Skosia Ta’n ankaptasik pilu’apankitasin.
